Сургалтын блог

2012-05-15

16 чадвар

1. Өөрийн гэсэн нэрийн хоолтой болох. “Солонгоогийн шарсан өндөг” гэхийг тооцохгүй шүү. Гэнэтийн зочдоо ч дайлахад тохиромжтой амархан хирнээ амттай хоол байвал сайн.

2. Бүх эд хогшилд байр оноох. Тэгээд цэвэрлэгээ хийхдээ бүх зүйлсийг өөр өөрийнх нь байранд нь тавьдаг байх.

3. Гэрлийн чийдэн солих. Нэг гэрлийн чийдэнг солиход хэдэн эмэгтэй хүн хэрэгтэй вэ? Хариулт нь мэдээж НЭГ.

4. Цахилгаан хэрэгслийн залгуурыг солих. Үсний индүү чинь масслах үед, чи ийм зүйлийг сурсандаа маш их талархах болно.

5. Ямар ч төрлийн хорхойг алж, зайлуулах. Ваннан дотор чинь аалз орчихож уу? Асуудалгүй. Том өрөөнд чинь хэдгэнэ ороод ирж үү? Юухан байхав. Гал тогоонд чинь жоом явж байна уу? Санаа зоволтгүй. Бүх юм чиний гарт.

6. Угаалтуур, жорлонгийн бөглөөг гаргах. Мөн жорлонгийнхоо татуургыг холбож сурах ч энд хамаатай. Бохир уу? Тийм ээ. Хэрэгтэй юу? Мэдээж хэрэг.

7. Ханан дахь нүхийг бөглөх. Чи өмнө нь үүнийг хийж байсан уу? Үнэндээ энэ чиний бодож байгаагаас хамаагүй хөгжилтэй ажил. Хөгжим тавьж байгаад, хөдлөөд байж дээ!

8. Ханын зургийг өлгөдөг болох. Алх хадаастай сайн нөхөрлө. Алсдаа чамд хэрэгтэй.

9. Бензин гоожих үед юу хийхээ мэддэг байх. Үүнийг заавал өөрөө засдаг байх албагүй ч, ядаж “түргэн тусламж”-аар хэнийг дуудахаа мэддэг байх хэрэгтэй шүү.

10. Байрныхаа мөнгийг цагт нь төлөх. СӨХ-ийн ажилтан хаалгыг чинь тогшихоос, эсвэл хаалган дээр чинь “аюулын” тасалбар наахаас өмнө мөнгөө төлдөг болох.

11. Дахин хэрэглэгдэх түүхий эдүүдийг ялгаж хаядаг болох. Бонус: Дэлхий ээж чамд баярлах болно.

12. Интернэтээ залгаж сурах. Заримдаа “Local Are Connection” нь санамсаргүй салснаас болоод интернэт ордоггүй. Наад захын “error”-уудын тайлбарыг ойлгодог болчихвол интернэтийн компани руу утасдаж өөртөө төвөг удах шаардлагагүй болно.

13. Том буйданг өөрөө зөөж сурах. 20 минут хөлсөө гаргах шаардлагатай болсон ч хамаагүй. Ийм чадвар тун хэрэгтэй, ялангуяа өөрөөсөө өөр хэнд ч найдах боломжгүй үед.

14. Танихгүй дайсантай хэрхэн тэмцэхийг мэддэг байх. Шөнийн цагт тонуулчин орж ирвэл хамгийн түрүүнд юу хийхээ мэддэг байх хэрэгтэй. Эсвэл танихгүй хүн хаалга тогшвол, тайлж өгөхөөсөө өмнө боддог байх ёстой.

15. Өмд, цүнхний цахилгаан засч сурах. Бахиар нэг хавчихад л хангалттай.

16. Ганцаархнаа цагийг өнгөрүүлдэг булантай болох. Эмэгтэй хүн болгонд өөрийн гэсэн орон зай хэрэгтэй. Эзэгтэй нарт бүр ч их. Учир нь тэд үргэлж хэн нэгэнд санаа тавьж, хэн нэгэнтэй хамт байх хэрэгтэй болдог. Өөртөө зориулсан тусгай булан гаргахдаа Гоолингоогийн “Happy hour” -аас санаа аваарай.

Энэ жагсаалтанд чи юу нэммээр байна?


. Сэтгэгдэл бичих! . Найздаа илгээх! . Уншсан: 140 удаа

Сэтгэгдлүүд




:-)
 

Миний тухай

Холбоосууд

. Нүүр хуудас
. Танилцуулга
. Архив
. Email Me
. RSS тандагч

Найзууд

Тоолуур

Миний блогийн 28824 дахь зочин та тавтай морилно уу!


© 2008
Бичлэг: 7 » Нийт: 37
Өмнөх | Дараагийн